SDE / ALBISTEAK

Emakumezkoen taldeak porrota jaso du etxean Betisen aurka (1-2)

Armaginak punturik gabe gelditu dira, aurretik jarri diren arren

Itzuli

17/10/2021 15:56

Emakumezkoen taldeak Real Betisen aurka galdu du Ligako zazpigarren jardunaldian. Armaginek denboraldiko hirugarren garaipena lortu nahi zuten etxean, Unbek edukieraren %100 berreskuratzen zuen egunean. Markagailuan aurretik jarri diren arren, eibartarrek ezin izan dute punturik batu talde andaluziarraren aurka.

Norgehiagoka ezin hobeto hasi da eibartarrentzat. Carla Morerak 6. minutuan talda aurreratzea lortu du, Kukiren erremate baten ostean. Pozak gutxi iraun du Junyentek zuzentzen duen taldearentzat, izan ere, bost minutu geroago Asantewaak norgehiagoka berdindu du.

Lehen zatia oso borrokatua izan da baina ez da gol gehiago izan. Aldageletatik bueltan, armaginak bigarrena egiteko nahiarekin itzuli dira. Hala ere, eibartarrak desoroso egon dira Betisekoen defentsa lanarengatik. 51.ean Angela Sosak bigarren gola lortu du urruneko jaurtiketa baten bitartez. Jokalari zuri-berdeak Noelia atezaina aurreratuta ikusi du , eta, bitan pentsatu gabe jaurti eta gola sartu du.

Armaginek erreakzionatu egin dute berdinketaren bila, baina abagune argienak azken minutuetan heldu dira. 88.ean, Aidak bere errematea sarera bidaltzea eragotzi du langak. Azken hasperenean, Ane Campos bakarrik geratu da Thalmann-en aurrean. Jokalari armagina goitik gainditzen saiatu da, baina jaurtiketa gora joan zaio.

SDE / HURRENGO PARTIDA

16:00 06-12-2021

03 ABE

11:00 Atxabalpe

Lan saioa

Ateak itxita

05 ABE

11:00 Atxabalpe

Lan saioa

Ateak itxita

06 ABE

16:00 Estadio de La Romareda

Partidua

Jardunaldia19 Real Zaragoza - SD Eibar

07 ABE

11:00 Atxabalpe

Lan saioa

Ateak itxita

09 ABE

11:30 Atxabalpe

Lan saioa

Ateak itxita

11 ABE

20:30 Municipal de Ipurua

Partidua

Jardunaldia20 SD Eibar - Málaga CF