Eibar Kirol Elkartearen Fundazioa klubaren organo soziala da, eta helburu nagusitzat du bere helburu estrategikoak lortzen laguntzea ikuspegi sozial batetik, betiere gizartearen eta Debabarrenaren inguruaren beharrekin lotuta lan eginez.
2025-2026 denboraldian zehar, Fundazioak etapa berri bati ekin dio, zuzendaritzan aldaketa bat izan duena, eta horrek bere ildo estrategikoak eta antolaketa-eredua birdefinitzea ere ekarri du. Ikuspegi berri horrek lurraldearekiko hurbiltasuna indartzea, parte-hartze aktiboagoa sustatzea eta lan-egitura dinamikoagoak, lankidetzakoak eta gizarte-errealitate berrietara egokituak sortzea du helburu.
Gaur egun, Fundazioak hiru arlo estrategiko handiren inguruan egituratzen du bere jarduera:
Kirol arloa
Kirolaren, prestakuntzaren eta futbolaren bidez balioak transmititzearen inguruko proiektuak bultzatzeaz arduratzen den arloa da. Esparru hori lau lan-batzordetan antolatzen da:
- Oinarrizko futbola
- Futbol egokitua
- Beteranoen elkartea
- Eibar Txiki (Futbol Eskola eta Kampusa)
Debabarreneko Memoria, Kultura eta Gizarte Ingurunea Saila
Arlo honek memoria historikoaren babesa, dinamizazio kulturala eta lurraldearekin eta tokiko eragileekin lotutako gizarte-ekimenen garapena lantzen ditu. Lau batzordek osatzen dute:
- Memoria historikoa
- Kultura eta turismoa
- Gizarte berrikuntza
- Empresa eta ekintzailetza
Erakunde arloa
Fundazioaren eta klubaren zeharkako politikak eta politika estrategikoak bultzatzeaz arduratzen da, haien garapen sozial eta instituzionalerako funtsezkoak diren eremuetan. Hiru batzordetan antolatzen da:
- Euskera plana
- Emakumeen eta gizonen berdintasunerako plana
- Erantzukizun Sozial Korporatiboa (ESK)
Arlo horietako bakoitzak bere lan-batzordeak deitzen ditu aldizka. Batzorde horiek klubeko langileek, boluntarioek eta Fundazioari lotutako laguntzaileek osatzen dituzte. Espazio horiei esker, proiektuak eta ekimenak eztabaidatu, adostu eta abian jar daitezke, eta lan parte-hartzailea, zeharkakoa eta gizartearen egungo erronkekin bat datorrena bultzatzen da.
Antolakuntza-eredu berriari esker, bizkortasuna, hurbiltasuna eta ekintza-gaitasuna handitu dira, eta Fundazioak lurraldearekin, zaleekin eta Eibarko SDak ordezkatzen dituen balioekin duen konpromisoa indartu da.
