Porrot gogorra aurkari zuzen baten aurka

Porrot gogorra izan da gaur goizean Unben bizitakoa, Sporting Huelva aurkari zuzenaren aurka, gure armaginak salbaziotik bost puntura geratuz. Lehen zati kaskarrean, abaguneek ez dute arriskurik sortu, eta bisitariak aurretik jarri dira markagailuan. Beste behin, garesti ordaindu dugu gol falta.

Bigarren zatia armaginen hobekuntza progresiboak markatu zuen. Bigarren zatian, Eibarrekoak behetik gora joan ziren, eta 80. minututik gertu bigarren gola jaso arren, ez zuten amore eman. Bigarren zatiko etengabeko ahaleginaren emaitza izan zen etxekoen gola, hamar minutu geroago iritsi zena, azken minutuei aurre egiteko aparteko energia emanez. Partidako azken zuzengunean Eibarrek hobeto jokatzen asmatu zuen, nagusituz eta estutuz, baina berdinketa ematen zuen bigarren gola lortu gabe.

Hemendik denboraldi amaierara bitartean sei final geratzen dira, eta horietatik hiru Unben izango dira, zuen zain gaude!