Mendilibar: Sevillan hiru puntuak lortu ditzakegu, ondo gaude eta lehiatzera goaz
Nano Dani Garciaren ordez, berritasun bakarra Eibarren deialdian
Jose Luis Mendilibar SD Eibarreko entrenatzaileak, “Sevillan hiru puntuak lortu ditzakegu, ondo gaudelako eta lehiatzera goazelako”, adierazi du.
Bihar Sanchez Pizjuanen jokatuko den partiduko deialdia joan den jardunaldiko ia bera izango da, Nano Mesa Dani Garcia zigortuaren ordez sartuz. Hauek dira jokalari deituak: Yoel, Areitio, Capa, Arbilla, Dos Santos, Lejeune, Ramis, Luna, Escalante, Fran Rico, Rivera, Adrián, Rubén Peña, Pedro León, Bebé, Inui, Nano eta Enrich.
Hiru garaipen jarraian lortu dituen bere taldearen inguruan, “jendea oso ondo ari da entrenatzen, egiten duenarekin konbentzituta eta irabaztera irteten da zelaira, beldur gabe. Lehiatu eta irabazi dezakegula uste dut”, aipatu du Mendilibarrek.
“Sevillaren aurka irabazten badugu, gauza handiagotan pentsatzen hasiko gara, baina oso posizio onean geratuko garelako. 38 puntu izango genituzke, eta ez dakit Europako postuetan jarriko ginatekeen, hori besteen esku dagoelako, baina bai orain arteko dinamika berean. Puntuak dira garrantzitsuenak, gero ez dakit zer gertatuko den. Partidu bakoitzean pentsatu behar dugu. Ezin dugu haratago pentsatu eta amesten jarri, asko geratzen delako. Ez da asko behar kolpea jasotzeko. Adibidez, gol sorta jasotzen baduzu, behar joan zaitezke”.
Sevillak etxean duen ibilbidearen gainean, non partidu bakarra galdu duen, “horrek esan nahi du galtzetik hurbilago daudela”, adierazi du.
“Guztioi harritu Sevilak, urte osoan zehar lehiatzen dagoelako, Atleticoren aurretik da, Barcelonatik hurbil eta Madridetik ez oso urrun. Hori talde lehiakorra izaten lortzen da. Jokalariak eta sistema aldatzen dute, eta irabazten jarraitzen dute. Ez dute partidu handi bat jokatu behar irabazteko, kalitate indibiduala dutelako. Aldaera asko dituzte eta horrek egiten die diren talde handia”.
Mendilibarrek adierazi du ohiko joko estiloa mantenduko duela. “Inoiz baino gehiago, partidu honetan gugan pentsatuko dugu eta ez arerioan, ez dakigulako aurrean zer izango dugun”.
“Egunak daramatzagu zeintzuk jokatuko duten ikusten, baina irteten dena irteten dela zelaian kokatzen zaila den taldea da, hainbat postutan jokatu dezaketen jokalariak dituztelako”.