Lanari ekin dio emakumezkoen lehen taldeak
Jordi Telletxea entrenatzaileaz aparte, bederatzi jokalari berri dauzka SD Eibarrek
Atzo ekin zion emakumezkoen SD Eibarrek aurtengo denboraldiko entrenamenduei Berrizko futbol-zelaian, bederatzi fitxaketa eta entrenatzaile berriarekin, Jordi Telletxea.
Hauek dira jokalari berriak: Michi Goto, Inés Ayestarán, Cristina Cornejo, Itziar Gastearena, Leyre Fernández, Titay Calvo, Marina Agoues, Arene Altonaga eta Sheila Elorza.
Aurre-denboraldiaren baitan, taldeak jardunaldi berezia egingo du larunbat honetan Donostiako Tenis Elkarte Errealaren instalazioetan. Bertan jarduera ezberdinak eta talde-bazkaria egingo dute.
Bi astez entrenatu eta gero, armaginek abuztuaren 11n jokatuko dute aurre-denboraldiko lehenengo partida. Era berean, Bigarren Mailako liga hasiera irailaren 9rako programatu da.