Jaz Zubiaurre S.A., SD Eibarren babesle berria
Eibarko enpresa Genuine taldearen aurrealdean agertuko da eta beste publizitate aktibo batzuk izango ditu
Jaz Zubiaurre SAk eta S.D. Eibarrek babes-akordio bat sinatu dute, eta horren bidez, Eibarko enpresa klubaren babesle ofizial bihurtuko da 2023-2024 denboraldia amaitu arte.
Jon Ander Ulaziak, SD Eibarko kontseilari delegatuak, eta Eduardo Zubiaurrek, JAZ Zubiaurreko zuzendari kudeatzaileak, hurrengo hiru denboraldietarako bi aldeak lotzen dituen akordioa sinatu dute.
Era berean, JAZ Zubiaurrek SD Eibar Fundazioarekin bat egin du Genuine Armero taldeko babesle nagusi gisa, Futbol Egokituaren proiektuaren barruan. Kasu honetan, JAZ Zubiaurre elastikoaren aurrealdean egongo da.
Horrela, Eibarko enpresak bere egiten du SD Eibar Fundazioak desgaitasun intelektuala duten pertsonengan ohitura osasungarriak eta jarduera fisikoa sustatzeko duen konpromisoa, gizartearen ongizateari ekarpen positiboa eginez.
Jaz Zubiaurrek mota guztietako gainazalak tratatzeko eskuilak eta tresnak fabrikatzen eta saltzen ditu. Lidergo-posizio argia mantentzen du barne-merkatuan, eta bere produkzioaren zatirik handiena mundu osoko 65 herrialdetara bideratzen du, horien artean Estatu Batuak nabarmentzen direlarik, non JAZ USA Inc konpainia filialaren bitartez jarduten duen.