Hiru puntu itxaropenerako (3-0)
Kike Garciaren hat trick batek amets egiten jarraitzeko aukera eman dio Eibarri
Eibarrek 3-0 irabazi dio Alavesi Ligako 34. jardunaldian. Armaginek sendotasunez gainditu dute talde babazorroa Kike Garciaren hirukoari esker eta aldea murriztu dute aurkari zuzenekin. Mendilibarren taldeak 16 jardunaldi geroago irabazi du eta Granadaren aurka Ipuruan lortutako azken garaipenetik lortutako emaitza negatiboa etetea lortu du.
Taldeak aurrea hartu du partida hasi eta berehala. Kike Garciaren golak konfiantza eman die armaginei, eta ohiko jokoa kontrako zelaian egitea lortu dute. Atsedenaldira iritsi aurretik, Bryan Gilek errenta handitzeko aukera izan du defentsa-eraso trantsizio batean, baina errematea Pachecok gelditu du.
Bigarren zatian, babazorroak mendean hartu ditu taldeak. Bigarren zatiko lehen aukera argian, Kike Garciak bigarrena lortu du. Aurrelariak bikain gurutzatu du Edu Expositok ezkerretik egindako pase on bat.
Minutu batzuk geroago, Kike Garciak taldearen jarduna biribildu du hirugarrena eskuratuta. Eibarren historian Lehen Mailan hat trick-a lortu duen lehen jokalaria bilakatu da Motilla de Palancarrekoa. Bere hiru golek amets egiten jarraitzeko aukera ematen du.