Hasi da Futbol Eskolaren 2016-2017 denboraldian izena emateko epea

SD Eibar Fundazioak zabaldu du 2005 eta 2008 urteen artean jaiotako neskek eta 2006 eta 2008 urteen artean jaiotako mutikoek 2016-17 denboraldian izena emateko epea. Lehen aldiz, matrikula online egin ahal izango da www.sdeibar.com/futboleskola  helbidean, formatu eroso eta erraz batean, ordenagailua, tableta edota smartphonea erabiliz.

Datorren uztailaren 26ra arteko epea dago, eta zalantzarik edo kontsultarik izanez gero, bidali futboleskola@sdeibar.com helbide elektronikora edo joan Klubaren beraren bulegoetara.

SD Eibar Fundazioak Futbol Eskola sendotu du eskariaren gorakadari eta kirol-erronkari egoki erantzun ahal izateko, hori da 2016-17 denboraldirako berritasunetarik bat. Aurrerantzean, Futbol Eskolak koordinatzaile bat izango du, gurasoekin harreman hurbilagoak izateko. Gainera, metodologia erabat integratua erabiliko da Oinarri-futboleko Metodologia zuzendariaren ikuskaritzaren pean, futbolaren bidez giza balioetan heztea delako eskolaren zereginetako bat eta SD Eibar Fundazioaren bereizgarri.
SD Eibar Fundazioak familiekin hartutako konpromisoa dela-eta, kuotak bere horretan jarraituko du, 264 euro urtean, eta dagoeneko ahizparen edo nebaren bat izena emanda dutenek % 50eko deskontua izango dute kuotan. Kuotaren truke, gainera, entrenatzeko arropak (elastikoa, galtzak eta galtzerdiak), partidako arropak, kirol-jertse bat, futboleko bota pare bat eta kirol-poltsa bat jasoko dituzte.

Asteko entrenamenduak Ipuruari atxikitako zelaian izango dira, eta ordutegi honen arabera;

• Neskak, 2005-2008: astelehenetan, 17:etatik 18:30era.
• Mutilak, 2006: asteartetan, 17:00etatik 18:30era.
• Mutilak, 2007: asteazkenetan, 17:00etatik 18:30era.
• Mutilak, 2008: ostegunetan, 17:00etatik 18:30era.

Futbol Eskolan izena-emateko Eibarren erroldatuta egon behar da nahitaez, edota Futbol Eskolarik ez duen Gipuzkoako beste udalerri batean.
Era berean, neska-mutikoa inskribatuta egon beharko da Gipuzkoako Multikirolan (eskola-kirola).