GOL-FESTAK (LII). Lanzaroteren magiarako eta Altunaren erremateetarako protagonismoa
Eibarrek 6-1 irabazi zion La Muelari 2010eko azaroaren 14an
Manu Lanzaroteren magia eta Jon Altunaren errematatzeko gaitasuna gailendu ziren Eibarrek La Muelari emandako 6-1eko jipoian, 2010eko azaroaren 14an Ipuruan jokatutako partidan.
Kataluniako hegalaren eta Gipuzkoako erdiko aurrelariaren artean Aragoiko taldeari sartutako sei goletan parte hartu zuten Bigarren B Mailako II. multzoko 13. jardunaldian.
Eibarren hamaikakoa: Irureta; Gañán, Añibarro, Bingen, Valín, Albistegui, Txiki Lombraña, Alex García, Altuna, Lago Junior eta Lanzarote. Ondoren Weijl holandarrak, Soutok eta Nacho Garrok jokatu zuten, Garcia, Lago eta Lombrañaren ordez.
Golak: Bigarren minutuan inauguratu zuen markagailua Lago Junior Boli Kostako aurrelariak, Numantziak Eibarri utzita, Altunaren jaurtiketa gurutzatu batekin. 16. minutuan aldea handitu zuen Manu Lanzarote hegakeko kataluniarrak, Altunaren pase zehatz baten ondoren Patricio atezainaren aurka bat-bat jokatu ondoren. 28. minutuan, Alex Garcia ezker hegaleko azkarrak 3-0ekoa sartu zuen Lanzaroteren erdiraketa baten ondoren eta area barruko errebote bat aprobetxatuz. Atsedenaldira iritsi aurretik, 36.ean, Jon Altuna golegileak 4-0ekoa jarri zuen markagailuan Lanzaroteren pase zehatza jaso ondoren. Markagailua 81. minutura arte ez zen mugitu Bruna bisitariak penaltiz Xabi Irureta gainditu zuenean, baina arauzko denbora betetzeko minutu bat falta zenean eibartarren bi gol iritsi ziren. Lehena Vincent Weijl holandarrak egin zuen. Handik gutxira Gustavo Souto vigotarrak 6-1ekoa itxi zuen.
Aragoiko taldean David Mainz erdiko aurrelaria nabarmendu zen. Kanpaina amaitzean Eibarrekin fitxatuko zuen, eta hurrengo hiru kanpainak jokatuko zituen, Boliviako futbolean parentesi bat sartuta.
Jardunaldia bukatuta, Eibar liderra zen 29 punturekin, Alaves bi puntura eta Mirandes lau puntura. Azkenean, Eibar multzoko txapeldun izan zen Mirandesen eta Alavesen aurretik, baina play-offetan, Sabadellek gainditu ondoren txapeldunen kanporaketan, Alcoyanok kanporatu zuen, bi kasuetan etxetik kanpoko golen balio bikoitzagatik, eta 2.B mailan jarraitzearekin konformatu behar izan zuen.
Erreportaje honetan agertzen diren datuak SD Eibar Fundazioaren Patronatuko kide den Jesús Gutiérrez historialari eibartarrak eman ditu.
Argazki-oinak:
- Jon Altuna
- Manu Lanzarote
- Vincent Weijl