Emakumezkoen lehen taldeak Ipuruan lagun-arteko solidarioa jokatuko du hurrengo igandean Osasunaren aurka
Klubak euro 1 emango du Ipuruara etortzen den zale bakoitzeko
Emakumezkoen lehen taldeak Ipuruan jokatuko du hilaren 16an, hurrengo igandean, Osasunaren aurka, helburu solidarioa izan duen lagun-arteko partiduan. Ipuruara etortzen den zale bakoitzeko euro bat jarriko du Klubak, oraindik zehazteke dagoen erakunde solidario bati emateko. Sarrerak doan izango dira, eta Eibarrek zaleak Ipuruara etorri daitezen animatu nahi ditu, zenbat eta gehiago izan orduan eta diru-laguntza handiagoa emango baita. Igandeko hitzordua, gainera, bigarren mailan dauden bi talde indartsuenetarikoak ikusteko aukera eskainiko du.
Eibar Bigarren Mailako 2. Multzoko sailkapenaren lehen postuan da, eta Alaves hiru puntura du, baina partidu bat gutxiago jokatuta. Osasuna, aldiz, laugarren da, sei puntura eta partidu bat gutxiago jokatuta.