Armaginek 3 puntu garrantzitsu lortu dituzte Unben Rayo Vallecanoren aurka (4-0)
Carla Morera, M. Rodríguez eta M. Llompart izan dira golegileak
Emakumezkoen lehen taldeak garaipen garrantzitsua lortu du Rayo Vallecanoren aurkaLigako bosgarren jardunaldian (4-0). Ana Junyentenak hiru puntuak etxean geratzeko helburuarekin atera dira futbol zelaira.
Horrela, lehen gola partida hasi eta berehala iritsi da, 3. minutuan, Carla Moreraren bitartez. Jokalari armaginak M. Rodriguezen pase bikaina aprobetxatu du, Rayo Vallecanoko bi atzelari atzean utzi ditu eta partidako lehen gola egin du.
Goizeko bigarrena 25. minutuan iritsi da. Arene Altonagak pase bikaina eman dio M. Rodriguezi, eta M. Rodriguezek Rayoko atezaina gainditu du.
2-0 markagailuan amaitu da lehen zatia. Bigarren zatiko 2. minutuan, M. Llompartek hirugarrena egiteko aukera izan du, baina bere jaurtiketa desbideratuta joan da.
Armaginak lehian jarraitu dute eta horrela, partidako 65. minutuan, M. Rodriguezek 3-0ekoa sartu du. Talaverakoak Ruthek jarritako kornet baten bitartez egin du hiru eta hutsekoa.
M. Llompartek 4-0ekoa sartu du azken minutuetan. Llompartek goizeko laugarrena egin du, baloia ondo gidatu eta jaurtiketa bikain baten ostean.
4-0 amaitu da partida. Horrela, armaginek partida bikaina jokatu dute eta hiru puntu garrantzitsu lortu dituzte Unben.