3.400 abonatuk euren txartel berria batu dute
Txartel berria hartzeko, abonatuak Ipuruako bulegoetara joan beharko dira, eta taldeak berak prozesu berezia ere jarriko du abian, gainerako txartelak abuztuaren 27an bertan, larunbata, banatzeko.
15 urtez txartel bera eduki ondoren, aurten abonatu armaginek txartel berria izango dute, eta zerikusi handiagoa edukiko du taldearen irudi berriarekin. Uztailetik, 3.400 abonatuk euren txartel berria batu dute taldeko bulegoetan. Izan ere, ohiko ordutegian daude zabalik 10:00etatik 13:00era eta 16:00etatik 20:00etara. Horrez gain, erakunde armaginak prozesu berezia ere jarriko du abian, Ipuruara hurbildu ezin izan diren abonatuek txartelak biltzeko aukera izan dezaten. Horretarako, abuztuaren 27an, larunbata, leihatilak eguerdiko 12etan irekiko dira, eta partidaren hasierara arte egongo dira zabalik, 18:15era arte, alegia. Hori dela eta, 1. leihatilan (1B atearen ondoan), txartelak banatuko zaizkie eserlekua MENDEBALDEKO eta IPARRALDEKO tribunetan daukaten zaleei; eta, 4. leihatilan (bulegoen gainean), tribuna NAGUSIKO abonatuei.
Horrez gain, 5. leihatila berria ere irekiko da 5. eta 6. ateen artean, eta prentsako akreditazioak zein gonbidapenak banatuko dira bertan.