SDE / ALBISTEAK

Gironaren eta Sevillaren aurkako neurketetarako sarrerak salgai daude

Klubaren webgunean zein bulegoan erosi daitezke

Itzuli

28/01/2019 12:47

Eibarrek eta Gironak igande honetan jokatuko duten neurketarako eta otsailaren 10ean Sanchez Pizjuanen jokatuko den Sevilla – Eibar partidurako sarrerak salgai daude jada.

Talde armaginak Girona hartuko du igandean, 18:30tatik aurrera, Ipuruan. Mendebaldeko Harmaileko lanak direla-eta beraien abonua galdu duten zaleek 5 eurotan erosi ahalko dituzte sarrerak, webgunean zein bulegoan. Era berean, sarrera orokorrak ondorengo estekan zein bulegoan erosi daitezke, 25 eta 35 euro bitarteko prezioan.

Ipuruara etorri ezin duten abonatuek beraien eserlekua libre utzi dezakete webgunetik bertatik.

Bestalde, otsailaren 10ean Sanchez Pizjuanen jokatuko den Sevilla – Eibar norgehiagokarako sarrerak ere salgai daude. Sevillak 200 sarrera  bidali ditu 23. Jardunaldiko partidu honetarako, eta zaleek hilaren 8ra arte izango dute beraiena erosteko aukera, 25 eurotan. Etxetik kanpora jokatzen diren neurketatan egin ohi den bezala, interesa dutenek beraien datu pertsonalak eman beharko dituzte bulegoan.