Ipurua Kirol Fundazioa, SD Eibarren irabazi asmorik gabeko fundazioa da, 2004an sortua eta F-179 zenbakiduna Eusko Jaurlaritzaren fundazioen erregistroan.

 

Fundazioaren estatutuetan ageri denez, bere helburu nagusia "jarduera ezberdinen difusioa, promozioa, sustapena eta finantziazioa, hala nola, kultura fisikoa eta kulturaren inguruko jarduerak, nagusiki kirol amateurra, eta honen barnean, bereziki afizionatuen futbola; eduki soziala, kulturala dutenak edota ikerkuntzaren inguruko jarduerak, beti ere kirol amateurrarekin harremana badute; beste edozein aktibitate, zuzenean edo zeharka aurrean aipatutako helburuak betetzeko beharrezko edo komenigarri izan daitezkeenak".

 

Bere jardueren artean, Ipurua Kirol Fundazioak bost arlo zabal hartzen ditu bere barne:

 

  • Alde batetik, Oinarrizko futbolaren sustatzailea da, taldearen ezinbesteko atala eta harrobiaren etorkizuna dena. Egun emakumezkoen 4 talde, gizonezkoen 10, Futbol Eskolako 4 multzo eta Futbol Inklusiboko talde bi hartzen ditu baitan.

  • Emakumezkoen futbola sustatzea da Fundazioaren erronketako bat, genero berdintasuna bultzatuz.
  • Beste alde batetik, Fundazioak SD Eibarrek aurrera eramaten dituen izaera sozial eta humanitarioa duten jarduera guztiak zentralizatzen ditu, Erantzunkizun Sozial Korporatiboaren inguruko praktikak martxan jarriz, mundu hobe eta justuago bat posible dela sinetsiz.

  • Gainera, Fundazioa balioetangenero berdintasunean eta euskaran oinarritutako hezkuntza programa ari da garatzen, eskoletara eginiko bisiten bitartez eta Debabarrenako Berdintasun zinegotzigoekin zein Emakunderekin etengabeko elkarlana burutuz.

  • Balioak eraiki nahi ditugu txikienen argi izan dezaten benetan garrantzitsua zer den, Futbol Eskolatik hasi eta Neguko zein Udako Kanpusetan bukatuz. 
  • Ipuruako Formakuntza Zentroa kudeatzen du, non kirolarekin, formakuntzarekin eta enpresarekin lotura zuzena duten ekimenak antolatzen ditugu. 

SD EIBAR FUNDAZIOA

______________________________________

+34 943 201 831  (Ext 3)
fundazioa@sdeibar.eus

SDE / FUNDAZIOAREN BERRIAK
Filtroak

Filtratu
Reset
1-5 -ren 261