Yerai Martin: “Taldea animoz, gogotsu eta konfidantzaz dago biharko partidarako”
Emakumezkoen lehen taldeak bihar Sevillaren aurka jokatuko du, 14:00etan, “erdi-goiko postuetako talde indartsu baten aurka”
Sevillaren aurkako partidaren atariko prentsaurrekoan, Yerai Martin entrenatzailea pozik agertu da emaitza onen bide honetan: “Lau partida-geldialdi bateko egutegi honetara ohitu gara. Partida onak egiten ari gara geldialdi horien ondoren; beraz, bihar aukera ona da gure zaletuen aurrean puntuak lortzeko”.
Arerioari dagokionez, nahiz eta “sailkapenaren erdi-goiko parteko talde indartsua” izan eta jokalari oso onak eduki, “baja garrantzitsuak ditu eta gu %100ean gaude”, eta horrek lagundu egin dezake biharko emaitzan.
Ipuruan azken bost partidetatik bat bakarrik izan da porrota Yerai Martinentzat, eta horrek erakusten du armaginen aurrean jokatzeak taldeari laguntzen diola. “Ipuruara datozen taldeek badakite ez dutela lan errazik gure aurrean, ez gara denboraldi-hasierako berak, aurkariari egokitzen zaion taldea gara eta bihar berriz egingo dugu”, azpimarratu du.
PRENTSAURREKO OSOA