Estefanía Botero "Simona" (Medellin, 1995) SD Eibarren bederatzigarren errefortzua izango da hurrengo denboraldiari begira. Kolonbiarra RCD Espanyoletik iritsiko da talde armaginera. Talde horrekin Liga F-ra igotzea lortu zuen eta lehen mailan debuta egin zuen.

CE Seagull, Levante Las Planas, Pozoalbense eta Rayo Vallecano taldeetan aritu ondoren, RCD Espanyolen sartu zen, eta Lehen Federaziotik igotzea lortu zuen taldeko piezetako bat izan zen.

Talde armaginak esperientzia eta sendotasuna gehitu dizkio defentsa-lerroari. Simona F Ligan minutuak pilatzen jarraitzeko eta atzealdeari segurtasuna, sendotasuna eta lidergoa emateko helburuarekin iritsi da Eibarrera.

Ongi etorri, Simona!