SD Eibar Fundazioa asteburu honetan Burgosera joango da LALIGA Genuine Moeve III. Faseari aurre egiteko, LALIGAk bere fundazioaren bidez bultzatutako eta desgaitasun intelektuala duten pertsonei zuzendutako lehiaketa. Talde armaginak bi partida jokatuko ditu Burgos CFren Kirol Hirian, Errespetu Taldean.

• Larunbata, maiatzak 30 – 16:30
  SD Eibar Fundazioa – CD Lugo
• Igandea, maiatzak 31 – 12:00
  SD Eibar Fundazioa – CA Osasuna

Taldeak denboraldian zehar bi garaipen lortu ditu eta helburua kirol sailkapenean zein Fair Play sailkapenean puntuak gehitzen jarraitzea da, LALIGA Genuine Moeveren eta lehiaketa ulertzeko moduaren ezaugarrietako bat baita.

Izatez, lehiaketa honetan beti gertatzen den bezala, emaitzak bigarren maila batean geratzen dira. Errespetua, ahalegina eta lankidetza izango dira, beste behin ere, asteburu honetako benetako protagonistak, non futbola integraziorako tresna bihurtzen den.