Eibarrek hiru puntuak eskuratu ditu Ligako zortzigarren jardunaldian Ibizaren aurka eta denboraldiko bigarren garaipena lortu du Ipuruan. Armaginak bolada onean jarraitzen dute eta sei partida daramate galdu gabe. Atzetik jarri diren arren, Garitanoren mutilek markagailua iraultzea lortu dute bigarren zati bikain bat egin eta gero. Fran Sol, Edu Exposito eta Stoichkov izan dira golegileak.

Lehen zatian Ibiza izan da jaun eta jabe eta abagune argienak sortu ditu. Ordu erdiko jokoa bete baino lehen, Herrerak bisitariak aurreratzea lortu du, area txikian Castelen jaurtiketaren aldaratzea harrapatu ostean.

Armaginei euren ohiko jokoa egitea kosta egin zaie, baina atsedenaldira iritsi aurretik, erreakzionatu egin dute. Fran Solek berdinketa ezarri du markagailuan. Aurrelariak area txikian ederki mugitu da, atzelaria ganditu du eta baloi sare barrura bidali du.

Bigarren zatian, taldeak sentsazio hobeak izan ditu eta bigarren golaren bila atera da. Correak abisua eman du 49.ean eta 65.ean, Edu Exposito atezainaren eta zutoinaren laguntzarekin bigarrena lortu du.

Azken txanpan, Stoichkovek hirugarren gola eskuratu du. Armaginek kontraeraso ikusgarria egin dute, Edu Exposito atezainak gidatuta. Eibarrek denboraldiko laugarren garaipena eskuratu du.