"Agur esateko ordua iritsi da, gure lurraldeko kluba eta orain are gehiago maite duguna. 

Aukera profesional garrantzitsu bat aurkeztu zaigu eta onartzea erabaki dugu. Hala ere, pena handiz uzten dugu klub zoragarri eta familiar bat, zeinari oso eskertuta gauden. 

Eskerrik asko Amaia, presidentea, gugan izan duzun sinesmen eta konfiantzagatik. Zure ondoan lan egin dugunok harrituta geratu gara zure lidergo bikainarekin, enpatiaren eta exijentziaren nahasketa horrekin. 

Eskerrik asko Administrazio Kontseiluari eta Zuzendaritzari. Partida bakoitzean denak animatzen egon zarete, beti energia positiboa transmitituz. 

Gure lana Eibarren ez zen posible izango zuzendaritza teknikoaren sinesmenik gabe, Cesar eta bere lan-taldeak gidatuta. Eskerrik asko gugan sinisteagatik.

Eskerrak eman nahi dizkiet Staff-eko kideei, bereziki Andoni, Jon eta Mikeli, egunerokoa hobea egiteagatik. Halaber, medikuari, fisioterapeutei, nutrizionistei, delegatuari eta klubeko atal bakoitza osatzen duten pertsona guztiei, zuek SD Eibar egunero hobetzen duzue. 

Zaleei, aipamen berezia. Etenik gabe babestu gaituzue, bultzatu eta hegan eraman gaituzue partida bakoitzeko minutu bakoitzean, eta niri, pertsonalki, entrenatzaile gisa, askotan hunkitu nauzue. Eskerrik asko zuen laguntzarengatik. 

Eta azkenik, klubeko protagonista handiei eta bigarren itzuli historiko batekin urte bikain baten arduradun nagusiei, jokalariei. Talde izanda gauza asko lor daitezkeela erakutsi duzue. Une oro eredu izan zarete. Plazer handia izan da zuekin lan egitea. Eskerrik asko zuen erabateko dedikazioagatik eta zuen futbolagatik."