Eunate Astralaga, Amaia Iribarren eta Garazi Fácila Athletic Clubetik itzuliko dira, eta Emma Moreno Atletico Madrilera itzuliko da utzita jokatu ostean.

Eunate Astralagak bi denboraldi egin ditu utzita SD Eibarren. 2024ko irailean iritsi zen, atea indartzeko, eta, denbora horretan, talde armaginarentzat babesle ona dela erakutsi du. 44 partida eta 3.900 minutu baino gehiago jokatu ditu.

Amaia Iribarren denboraldi honen iritsi zen Eibarrera. Iritsi zenetik, 26 partida jokatu ditu F Ligaren eta Erreginaren Koparen artean, eta jokalari garrantzitsu bihurtu da armaginen zelai erdian.

Garazi Fácila ere Ipuruan lurreratu zen joan den udan eta eskuin hegaleko jokalari nabarmenetakoa bihurtu da. 27 partidatan parte hartu du, guztiak titular gisa, eta 2.300 minututik gora jokatu ditu.

Bestalde, Emma Moreno udan iritsi zen Atletico Madriletik, 19 urtez azpiko Europako txapeldun izan ondoren. Denboraldian zehar pieza garrantzitsua izan da taldearentzat, 1.500 minutu baino gehiago pilatu baititu zelaian.

SD Eibarrek eskerrak eman nahi dizkie guztiei klubean izan duten konpromisoagatik eta erakutsi duten profesionaltasunagatik, eta zorterik handiena opa die etorkizuneko erronketan.