Beñat San Josek Cadizen aurka berdindu zuen hamaikako ezberdinarekin zelairatu da, baina sistema bera mantenduz 4-2-3-1. Magunagoitia, Cristian, Cubero, Arambarri, Peru Nolaskoain, Matheus, Sergio, Puertas, Corpas, Javi Martinez eta Jorge Pascualek osatu dute gaurko hamaikakoa. Eibar partidaren kontrola eramatez arduratu da, eta erasoan, lehenengoa egiten saiatu da hasierako sakearekin, baina baloia Aaron atezainaren eskuetan geratu da.

Segundu batzuk beranduago, Matheus Eibarren lehen gola egiten saiatu da jaurtiketa indartsu baten bitartez. Jorge Pascualek ere gol aukera izan du Cristianen pase bati esker.  Lehen minutu oso onak egin ditu Eibarrek. Lehen zatiko aukera garbiena Sergiok izan du, baina bere jaurtiketa gutxigatik joan da.

Partidako lehen ordu laurdenean Eibar izan da partidaren jabe. Bestalde, Oviedo baloi luzeekin erantzuten ahalegindu da. Neurketako lehen ordu erdia beteta, Jorge Pascualek falta bat behartu du area ertzean. Cubero falta jaurtitzeaz arduratu da baina baloiak hesian jo du.Huts eta huts amaitu da lehen zatian.  

Bigarren zatian, partidak gidoi bera jarraitu du, bi talde bizi, biak altu lapurtzen saiatzen, baina jabetza Eibarrentzat izaten jarraitu du. Hala ere, denborak aurrera egin ahala Real Oviedok bere aukerarik garbienak izan ditu eta horrela iritsi da partidako lehen gola kanpokoentzat Alemaoren eskutik. Eibarrek ez du etsi  berdinketa egiteko aukera ugari izan ditu. 

Beñat San Josek zituen aukera guztiak agortu ditu Guruzeta, Hodei eta harrobiko Aitor Galarza sartuz. Paunovicek ere gauza bera egin du bere taldearekin. Partidako azken minutuak Eibarrenak izan diren arren, Ipuruako babesak lagunduta, baloia sarera eramateko beharrezkoa zen argitasuna falta izan da gaur Ipuruan.

Sinistuz heldu da Eibartarren gola. Partidako azkenengo minutuan Jonmiren burukadak berdinketa jarri du markagailuan.

LaLiga HyperMotioneko 35. jardunaldian, SD Eibarrek Zaragoza izango du arerio, larunbatean 16:15ean.