Yoel Rodríguez «Inor ezin da ez titular ez ordezko sentitu; ziur naiz horrela, denok taldean garrantzitsu sentituz, hobeto ibiliko garela»
Rodríguez atezaina Valencia CFk utzita dator, denboraldi bukaeran erosteko aukerarekin
José María Arrizabalaga lehendakariordeak gaur arratsaldeko aurkezpen ofizialetan buru izan da; haietako lehenari buruz honakoa esan du «Guk jabetzakoa izatea nahi genuen, baina Valenciaren presioa gure indarrak baino handiagoa izan da. Erosteko aukerarekin konformatu behar izan dugu. Espero dugu denboraldiaren bukaeran erabili ahal izatea. Yoeli ongi joan zaion seinale izango da».
Fran Garagartza kirol-zuzendariak bere esku-hartzeari hasiera eman dio atezaina taldean sartzearekin pozik dagoela baieztatuz «Atezain bat nahi genuen, lehenago ezin izan genuen egin. Guretzat ezaguna da, baita entrenatzailearentzat ere. Atezain fidagarria da, eta lehen mailako aztarnak ditu. Pozik gaude, nahi genuen atezaina baita».
Galiziakoak argi utzi du komunikabideen aurrean titulartasunagatiko borroka ez duela gauza negatibo gisa ikusten «Niretzat erronka bat da; azken bi urteotan ez dut nahi beste jokatu, eta beraz, lehen egunetik saiatuko naiz titulartasuna lortzen. Pozik nago, eta espero dut dena ateratzea. Erronka polita izango da; inor ezin da ez titular ez ordezko sentitu; ziur naiz horrela, denok taldean garrantzitsu sentituz, hobeto ibiliko garela».