Yoel: "Klubak zugan konfiantza izateak zoriontsu sentiarazten zaitu"
Eibarreko atezainak 2024ra arte berritu du kontratua
Yoel Rodriguez Eibarreko atezainak 2024ra arte berriki kontratua luzatu duen Yoel Rodriguezek adierazi du, "klubak zugan konfiantza izateak zu zauden tokian zoriontsu egotea eragiten du".
Klubeko hedabide ofizialei egindako adierazpenetan, atezain galiziarra "oso pozik" agertu da kontratua berritu izanarekin, "bi aldeak gustura gaudela" erakusten duelako.
Yoelek aintzat hartu du Eibarrek 2022ko ekainean amaitzen zuen kontratua luzatzea erabaki izana, "Nahiz eta denbora daramat ligan jokatu gabe". "Horrekin konfiantza erakusten dizute eta zerbait ondo egiten ari naizela esan nahi du".
"Leku askotan egon naiz eta konplizitate maila bera mantentzea zaila da. Nire izaera horrelakoa da, denok ditugu egun txarrak, noski, denok jokatu nahi dugu. Nire kasuan, badakit ondo entrenatzen ez badut, jokatzea tokatzen zaidan egunean ez dudala mailarik onenan emango".
Bere ustetan, entrenamenduetako atezainen arteko lehiakortasuna "oso osasungarria da". "Elkarri laguntzen diogu. Nik horrela entrenatzeak ere lagunduko du Marko erritmoa ez jaisten. Zure lankideari egunerokotasunean maila altua exijitzen diozunean, nabaritzen da".
Igandean Moratalazen jokatuko den Kopako final-hamaseirenetako kanporaketari buruz, "Partida bakarrera partidak zaildu daitezke, nahiz eta maila txikiagoko taldeak izan", esan du.
"Kopa txapelketa polita da, edozein taldek, edozein mailatakoa izanda ere, zailaltasunean jarrai zaitzake. Buruan izan behar dugun lehenengo gauza da bizitza konplikatzera aterako direla. Dena dute alde, ez gaudelako eremu sintetikoetara ohituta eta ez dutelako ezer galtzeko eta lasai jokatzen dutelako".