Yerai Martin: "Sevillara goaz irabaztera"

There are no reactions yet. Be the first!

Emakumezkoen lehen taldeak igande honetan jokatuko du Sevillan denboraldiko azken partida. Yerai Martin entrenatzaileak argi hitz egin du: "Sevillara irabaztera goaz". Azken bi jardunaldietan, hain zuzen ere RCD Espanyolen aurkako berdinketarekin salbazioa matematikoki itxi zenetik, bi porrot jaso dituela kontuan hartuta, entrenatzaileak modu borobilean itxi nahi du denboraldia.

"Sevilla FCren aurka irabaztea postu bat igotzea izango litzateke, zortzigarren posturaino, eta eze suposatzen ez duela dirudien arren, datorren urteko Erreginaren Koparako lehen bi kanporaketak alde batera uztea esan nahi du, eta hori oso polita izango litzateke Eibarrentzat", azaldu du entrenatzaileak. Joaneko partidak ez du adibidetzat balio, izan ere, "aurkariak espero genuenaren oso desberidna planteatu zuen norgehiagoka, Gabonetako oporretatik gentozen... Baina orain prest gaude proposatzen dutenerako".

Atletico de Madriden aurka porrota jaso arren, taldeak egindako partidari balioa eman nahi izan dio entrenatzaileak: "Partida handia egin genuen, lehen gola iritsi zitzaigun denborak ondo kalkulatzen ari ez ginen une batean, eta ondoren beste jokalari baten bakarkako jokaldi handi batean bigarrena iritsi zen, baina partida handia egin genuen eta uste dut ondo gaudela igande honetan garaipen baten bila joateko".

Yerai Martinek asteburu honetan egingo duen azken dantza izango da, "une konkretuetaz, jokalariez, taldekideez eta nire azken 90 minutuez gozatzea" helburu duen egun hauetan, "ahal dudan guztia ematea espero dut".