Kluba
SD EIBARREK MUXUZ BETEKO DU IPURUA
San Valentin egunaren harira, Ipuruak muxu eta maitasun adierazpen politenak bilatuko ditu harmailetan, zenbait sorpresa izango diren egunean
Talde armaginak ekimen berezi bat jarriko du martxan datorren igandean, hilak 14, jarraitzaileei partida aurretik, atsedenaldian eta partida ondoren animazioa eta dibertimendua eskaini asmoz. Bideomarkagailuari konektaturiko kamera batek jokalarien beroketa lanak, aldaketak etab. jasoko ditu, baina horrez gainera, atsedenaldian euren maitasuna erakutsi nahi duten jarraitzaileak grabatuko ditu, eta partidan zehar argituko diren beste zenbait sorpresa ere izango dira.