Saririk gabeko partida handia
Garaipenik ez, nahiz eta joko bikaina erakutsi
Emakumezkoen lehen taldearen partida bikaina Realaren aurkako urteko azken derbian. Armaginek oso joko ona erakutsi dute, batez ere lehen zatian.
Etorkizun handiko partida hasi zen Aidarekin 5. minutuan markagailua irekiz. Area aurreko aldetik egindako jaurtiketa bortitz batek aurrea hartu zien etxekoei neurketako lehen minutuetan. Behin markagailua estreinatuta, etxekoek nagusitasuna izaten jarraitu zuten, baloiaren jabetza edukiz eta jokoaren erritmoa ezarriz. 17. minutuan bisitarien berdinketa etorri zen, korner baten ondoren buruz egindako erremate batean.
Berdinketa ez zen nahikoa izan gure neskak mendean hartzeko, eta Arola izan zen markagailuan berriro tartea jarri zuena, atezain bisitaria gainditu ondoren. 3-1ekoa lortzeko hainbat aukera izan ondoren, bisitariak izan ziren lehen zatiari behin betiko berdinketa jartzea lortu zutenak.
Bigarren zatian joko aldaketa izan zen nagusi bi taldeetan, joko geldoagoa eta erritmo gutxiagokoa. Erritmo-alde horrek abaguneak urriagoak izatea eragin zuen bi multzoentzat. Aulkitik irten berria zen Mirari Uriak, area barruan zintzilikatutako falta baloi bat aprobetxatu zuen, buruz errematatzeko eta markagailuan azken 2-3koa jartzeko.
Ana Junyenten taldeak Valentziaren aurka jokatuko du asteazkenean Gabonetako etenaldiaren aurreko urteko azken partida.