Premier Bidaiakek Donostiara joateko autobusa antolatu du Anoetako partidurako
Errealak 25 eurotako 479 sarrera eman dizkio Eibarri
Premier Bidaiakek, SD Eibarren bidai-agentzia ofizialak, Eibarrek Errealaren aurka otsailaren 28an Anoetan 19:30etan jokatuko duen partidua ikustera joateko autobusak antolatu ditu.
Irteera 28an bertan egingo da 17:30etan Eibartik eta itzulera partidua amaitzean izango da. Prezioa 10 eurokoa izango da pertsonako eta sarrera bermatuta dago, baina ez dago prezioan sartuta eta 25 euroko kostua dauka.
Izen-ematea zabalik da Premier Bidaiaken bulegoetan, San Agustin kalea 2-4 E lokalean, 9:30etatik 13:30etara eta 16:00etatik 19:30etara. Autobuseko eserlekua erreserbatzeko orduan, gero Ipuruan sarrera jasotzeko txartela emango da.
Errealak 479 sarrera emango dizkio Eibarri, denak 25 eurotara, eta Ipuruako bulegoetan salgai jarriko dira otsailaren 20an, astelehena, 10:00etatik 13.00etara eta 16:00etatik 20:00etara.
Ligaren arauen arabera, sarrerak Ipurua zein Premier Bidaiaken eskuratu ahal izateko, izena, bi abizenak eta NAN zenbakia eman behar izango dira.