Kluba
Martxan da lenteja-bilketa, Zaporeak Proiektuarekin elkarlanean
Egitasmo solidarioa ekainaren 8tik 12ra izango da
Klubak, SD Eibar Fundazioaren bitartez, martxan jarri du beste urte batez lenteja bilketa. Iaz ekimenak harrera bikaina izan eta gero, aurten ere bilketa egingo da Zaporeak Proiektuarekin elkarlanean. Gaurtik aurrera, eta datorren ekainaren 12a bitarte, lenteja paketeak bilduko dira Ipuruako Orsaixan gunean.
Horrez gain, behar-beharrezkoak diren beste produktu batzuk jasoko dira; hala nola, konpresak, pixoihalak eta hidrogelak.