Eibar igoera zuzenik gabe geratu da irabaztea merezi izan duen partidan (2-2)

Eibarren partidua erabat menderatzea ez da nahikoa izan Sportingen aurka garaipena lortzeko (2-2), eta horrek igoera zuzenerako aukera eragozten dio.
Eibarrek bertikaltasunaren eta aurkariaren area bilatzearen aldeko apustua egin du lehen minututik. 40 segundora iritsi da lehen jaurtiketa, Vadilloren eskutik.
Etxekoen nagusitasun betean iritsi da 0-1ekoa, penalti polemiko baten ondorioz.

Armaginei kosta egin zaie partidaren erritmoa berreskuratzea golaren ostean, baina aukera argiak izan dituzte atsedenaldira iritsi aurretik berdinketa lortzeko, hala nola Nolaskoainen burukada korner baten ostean (22.minutua) edo Stoichkoven ezkerkada, Cuellarrek bi alditan gelditu duena (44 minutua).
52.minutuan 0-2koa iritsi da Aitor Garciak bere zelaitik jaurti eta Luca ezustean hartuta.
Esperantzak 68.minutuan itzuli dira, Stoichkovek sartutako penalti batekin.

Eibarrek 1-2koaren ostean tronban egindako erasoa berdinketa izateko zorian egon da, lehenengo Aketxeren jaurtiketa bat kornerrera joan da gutxigatik, eta gero Stoichkovek errematea egin du gol-ahoan.
Eibarrek amaierara arte jarraitu du eta 90.minutuan Blanco Leschukek burukada batekin berdindu du, baina ez du gehiagorako denborarik eman, azken hatsa eman arte saiatu den arren.
Berdinketa honek eta jardunaldiko gainerako emaitzek igoera zuzenerako aukerarik gabe uzten dute Eibar, igoera play-offera begira.