Iñaki Goikoetxea: "Zelaira hobeto ateratzen den taldeak asko irabaziko du"
Entrenatzaileak jarraitzaileak animatu ditu Ipuruara bertaratzea taldeari azkeneko derbian babesa emateko
Iñaki Goikoetxea hedabideen aurrean agertu da igande honetan, 12:00etan, Ipuruan, SD Eibarrek eta Athletic Clubek jokatuko duten derbiaren aurretik. Egutegian gorriz markatutako topaketa, bi taldeentzat une gogorrean iristen dena.
Taldearen egoeraz galdetuta, entrenatzaileak onartu egin du egoera, baina astean zehar erakutsitako jarreran jarri du arreta: "Ez gaude unerik onenean, baina energia positibo eta egoerari buelta emateko gogo handia nabaritu dut". Derbia alde batera utzita, helburua irabaztea dela azpimarratu du: "Athletic edo edozein talde izan, etxean jokatzen dugu eta irabazteko gogoa dugu".
Iñaki Goikoetxeak partidak animikoki duen garrantzia azpimarratu du. "Irabazteak lasaitasun, animo eta energia gehiagorekin aurre egiteko balioko liguke",azaldu du, dinamikak berehalako erreakzioa behar duela jakitun.
Gainera, markagailuan aurretik jartzearen balioa nabarmendu du: "Gola egiten duen lehena gora etorriko da eta besteari min egingo dio", baina topaketa osoan kontzentrazioari eustearen garrantzia aitortzen du.
Azkenik, zaleei deia egin die igande honetan Ipurura joateko: "Harmailatik datorren bultzada horrek energia gehiago emango digu".