Iñaki Goikoetxea: "Lan ofentsiboan gehiago gabiltza lanean, falta zaiguna hobetzeko"

Iñaki Goikoetxea kritiko baina seguru agertu da Levante UDren aurkako partidaren atariko prentsaurrekoan. Lehen jardunaldietan nahi ziren emaitzak lortu ez diren arren, entrenatzaileak azaldu du, bestalde, taldeak egindako lanagatik merezi baino sari gutxiago jaso duela: "Uste dugu asko egiten ari garela; uste dut lana ona izaten ari dela. Gauza batzuetan gehiago egin genezake, gauza batzuk falta zaizkigu. Baina partida guztietan leihatu egin dugu eta merezi baino gutxiago atera dugu, Granada CFren aurkako partida izan ezik, bigarren zati kaxkarra egin genuela", azaldu du entrenatzaileak.

Autokritika garrantzitsua den arren, lehen jardunaldietan zorte eta zehaztasun puntu bat ere falta izan da: "Nahikoa sortzen ari gara gol bat baino gehiago eta puntu bat baino gehiago izateko, baina errealitatea da ez dugula hori lortu". Taldea "erasoan defentsan baino gehiago lanean ari da, falta zaigun hori lortzeko", errepikatu du.

Levante UDri dagokionez, azaldu du "badakigu aurkari zaila izango dela, etxean baloia izan nahi izango duela eta jende askorekin gora iristea lortzen duela, baina uste dut guk ere min egin diezaiokegula. Granadan huts egin genuen xehetasunetan finago egon beharko dugu eta horiek aprobetxatu garaipena lortzeko".

Hala ere, jokalariak mentalki prest daude, "entrenamenduetan ikusten dugu, baina partidetan ikustea falta da; animoak ondo daude, nahiz eta itzulerako bidaia gogorra izan". Astea ausnarketa batekin hasi zen, falta zaiguna azpimarratzeko, baina "egiten ari garen gauza onak ere esan eta aspimarratzeko, inoiz baino gehiago baloia izaten, baloiak lapurtzen, aukerak izaten, lehen zatian ez genien iristen utzi, kontraerasoan iritsi ginen..."; orain "defentsan sendoak izaten jarraitzea eta baloiarekin eta erasoan presentzia gehiago izatea" besterik ez da falta.