Iñaki Goikoetxea: "Gure helburu bakarra igandean puntuak lortzea eta zaleekin ospatzea da".

Eibarrek igandean 2025eko ligako azken partida jokatuko du. Entrenatzaileak lehen itzuli hau "irregularra" bezala baloratu du, baina "ondo lehiatzen ari gara eta taldearekin eta egunerokoarekin pozik nago": "Erosoago gaude iniziatiba hartu behar ez dugunean, eta horregatik etxean gehiago huts egin dugu".

Iñaki Goikoetxeak gogorarazi du igandeko partidan "ez genuela partida ona egin, baina garrantzitsua zen Las Gaunasetik hiru puntuak ateratzea, lasaiago arnasa hartzeko, eta orain igandeari bakarrik begiratzen diogu". Halaber, azpimarratu du "argitasun handiagoz jokatzeko lagundu digula eta bide honetan modu markatuago eta argiago batean jarraitzeko, lasaiago gaude igande honi begira, ea guzti honek hobetzen laguntzen digu".

Errealitatea da Eibarrek ez duela egutegi oso egokirik izan aurkari zuzenen aurka hainbat puntu gehitzeko aukera kateatzeko, eta horrek zaildu egin du jarraikortasun egokia izatea: "Sailkapena oso zatituta dago, bi partida goikoen aurka tokatzen zaizkigu eta gero bi behekoen aurka... baina behintzat puntu garrantzitsuak ateratzen ari gara, hau da, aurkari zuzenen aurka; oraindik goiko aurkarien aurka zerbait gehiago ateratzeko gogoa eta beharra ere dugu".

Igande honetarako gure ideia da "lehiatzen saiatzea, ahalik eta gutxien sor dezatela heurek eta daukagunaz baliatzen saiatzea; eta bigarren partida gehitzen jarraian lotzea". Arene Altonaga kapitainak joan den asteazkenean egin zuen bezala, entrenatzaileak ere azpimarratu nahi izan du "lehiatzera joango garela eta zaleei poza ematen saiatuko garela, zaleak pozik joatea eta gu ere bai".

PRENTSAURREKOA OSORIK