Igandean Xixongo Sportingen aurka jokatuko den partidari buruzko informazioa
Eskaera egin duten abonatu guztiek Ipuruara joateko aukera izango dute
Guztira 1.650 abonatuk eman dute izena Eibarrek datorren igandean Ipuruan Xixongo Sportingen aurka jokatuko duen seigarren jardunaldiko norgehiagokarako (18:15). 1.150 pertsonak online egin dute eskaera EFC bidez. Gainerako 500 pertsonek aurrez aurre. Eskaera egin duten bazkide guztiek Ipuruara joateko aukera izango dute.
Aurrez aurre izena eman dutenek gaur bertan jasoko dute baieztatze deia eta sarrerak astelehenetik ostiralera erosi ahal izango dituzte bazkidearen arreta bulegoan, hurrengo ordutegian: 09:30etik 13:30era eta 15:30etik 19:00etara. Izena online eman zutenek ere jakinarazpena jasoko dute email bidez gaurtik aurrera.
Ostegunean, irailaren 16, salgai jarriko dira gainerakoak aldez aurretik izena eman ez duten abonatuentzako. Bazkide bakoitzak sarrera bat erosi ahal izango du, aurrez aurre edo online. Bi aukeretan erosteko epea irailaren 17an, ostiralean, amaituko da, arratsaldeko 19:00etan.
Partida egunean ez da sarrerarik salduko, indarrean dagoen araudiaren arabera.