Euskara eta Kirola Jardunaldia egingo dute Ipuruan ostegun honetan
Ipuruako Formakuntza Zentroan egingo dira hitzaldiok 18:30tan hasita
Eibar Kirol Elkarteak, bere Fundazioaren bidez, Kirolgi eta Eibarko Akebai plataformaren laguntzaz, “Euskara eta Kirola” Jardunaldia antolatu du ostegun honetan.
Jardunaldia arratsaldeko 18:30tan hasiko da Ipuruako Formakuntza zentroan, eta Elena Azpeitia kazetariak gidatuko ditu solasaldiak.
Kirola eta Gazteak izenburuko solasaldian Eibar KE-ren Fundazioko bost kirolarik hartuko dute parte: Maite Maiora, Markel Alberdi, Odei Jainaga, Pello Osoro eta Malen Ruiz de Azua.
Ondoren, 19:00tatik aurrera, Koikili Lertxundi futbolari ohiak, Matxalen Ziarsolo eskubaloi jokalari ohiak, Amets Txurruka txirrindulari ohiak, Asier Riesgo Eibar KE-ko atezainak eta Aitor Manterola kazetariak "Kirola, Komunikabideak eta Irudi Publikoa" mahai inguruan parte hartuko dute.
Jardunaldiei itxiera Egoitz Txurruka “Txurru” komunikatzaile eta Euskadi Gazteako esatariak emango dio.