Eibarrek laster maskota ofiziala izango du eta izena herri bozketa bidez aukeratuko da
Astoa da, eta lanaren, iraunkortasunaren, apaltasunaren eta sinpatiaren balioak biltzen ditu
Eibarrek maskota ofizial bat izango du laster, eta haren izena gaurtik apirilaren 16ra arte aukeratuko dute, Klubaren webgunean egindako bozketa bidez.
Maskotarentzat aukeratutako diseinua asto batena da, armagintzaren balio bereizgarrietako batzuk biltzen dituen animalia: lana, iraunkortasuna, apaltasuna eta sinpatia.
Bozketan parte hartzen dutenek proposatutako hiru izenetako bat aukeratu beharko dute:
- Armagin
- Astogintxo
- Pantxika
Astoak oso presente egon dira Eibarren historian. Langile nekaezinak, baserrietako lanik gogorrenetan lagundu dute. Duela mende bat eskas, Akondia eta Garagoitiren magalean bizi ziren, eta haien ahaleginari esker garia eta artoa landatzen ziren batez ere. Gaur egun, inguru hartan zeuden berrogeita hamar bat baserrien erdia baino ez dira geratzen. Zerealak ere ez dira ia landatzen, arto pixka bat bakarrik, eta astoak ere galzorian egon dira.
Gure maskotak Eibar gaur egun den horretara aldatzea ahalbidetu zuten asto guztiak omendu nahi ditu. Animalia langile eta atsegina, saiatua eta otzana, eta oso azkarra.