Eibarrek puntu bat berreskuratu du (1-1)

Tejerok 77. minutuan Eibarrekin egindako golak puntu bat berreskuratu du armaginek irabaztea merezi izan duten partidan.
Lehen zatia Eibarren nagusitasuna izan da, argi eta garbi eraman du ekimena eta gola sartzeko eta atsedenaldira abantailarekin iristeko abaguneak izan ditu.
Javi Muñozen (4. minutua) eta Corpasen (22. minutua) jaurtiketak kanpora joan dira gutxigatik, eta Matheusek area kanpotik egindako ezkerkada bat (38. minutua) eta Venancioren burukada (45. minutua) Cristian Alvarezek neutralizatu ditu.
Lehen zatiko azken jokaldian, ordea, Zaragoza izan da aurrea hartu duena Jairren gol batekin, area txikian sortutako zalaparta baliatu baitu lurretik gola egiteko. Atsedenaldian 0-1ekoa ez zen berdegunean ikusitakoaren isla, Eibar menderatzaile eta zorrotz batekin.
Bigarren zatiaren hasieran, armaginek gogor sakatu dute, eta argi eta garbi iritsi dira aurkariaren areara. Berdinketa gertu zegoela zirudien.
Aitzitik, egoera okertu egin da 67. minutuan, Vadillo txartel gorria aterata, epaileak VARari kontsulta egin ostean. Epaileak, hasieran, txartel horiz zigortu du jokaldia.
Garitanoren taldeak ez du fedea galdu eta 77. minutuan berdinketa lortu du Tejeroren bitartez, Rios Reinaren pase eskuinkada batekin.
VAR erabakigarria izan da berriro 85. minutuan, epaileak Eibarren aldeko penaltia baliogabetu baitu.
Partida joan-etorria bihurtu da, eta puntu banaketarekin amaitu da. Ez da nahikoa Eibarren merezimenduengatik, baina zelaian jokalari bat gutxiagorekin lortu izanaren balioa du.