Eibho Eibarren babesle nagusi izaten jarraituko da

Eibhok SD Eibarrekin zuen konpromisoa berritu du, eta klubaren babesle nagusi izaten jarraituko da. Eibhok bere izena jartzen jarraituko du gizonezkoen lehen taldearen joko-ekipazioen aurrealdean, aurreko denboraldian izan zuen bezala.

Eibho Aluminios Eibar enpresaren bilakaera da. Duela 30 urtetik hona, eraikuntzaren, arkitekturaren, interiorismoaren eta bulegoen sektorera bideratutako sistemak eta irtenbideak fabrikatzen eta banatzen ditu. Eraldaketa-une batean dago enpresa, balio-proposamena zabalduz eta prozesuak, tresnak eta taldea estrategikoki hobetuz. Horri esker, kontsumo iraunkorrean eta ekonomia zirkularrean oinarritutako konponbideen ikerketan eta garapenean oinarritutako proiektu berriei ekin ahal izan die.

Laster egoitza berri bat inauguratuko dute Berrizen. Bertan, 2.000 m2-ko zentro bat egongo da, I+G+Bra, eraikuntza-sistema berrien garapenera, prestakuntza-aretoetara eta showroom fisiko eta birtual handi batera bideratua. Bertan, nahierara aztertu eta konfiguratu ahal izango dira leihoen proiektu guztiak, prestazio handiko barandak, saretak, fatxada aireztatuak, eguzki-babesa eta bulegoko banaketak, bai obra berrietarako, bai birgaitze-proiektuetarako.

Halaber, banaketa-zentro propioak ditu Asturiasen, Kantabrian, Errioxan, Araban, Gipuzkoan eta Bizkaian, eta showroomak eta prestakuntza-aretoak Bizkaian, Asturiasen, Kantabrian eta Errioxan.