Eibarren PC Futbol 7 taldearen garaipena Alacanten

Garun-paralisia eta hartutako garun-kaltea duten kirolarientzako Fúbol 7ko Liga Nazionalean parte hartzen duen SD Eibar Fundazioko taldeak 3-1 irabazi dio Bartzelonako Disport FC taldeari ligako hirugarren jardunaldian, Alacanten.
Armaginek Disporten hasierako golari buelta eman diote eta garaipen garrantzitsua lortu dute egungo txapeldunak (Eibar) eta FEDPCk antolatutako Liga honetako txapeldunordeak elkarren aurka jokatu duten partidan.
Eibarrek hainbat baja zituen eta galtzen hasi da, baina berdinketa lortzeko aukera izan du lehen zatiko azken jokaldian, David Gamizek buruz sartutako golari esker.
Disport nagusi izaten satiatu da bigarren zatian eta Eibarrek bi gol egin ditu kontraerasoan, Ibai Goikoetxeak eta Victor Vareak sartutako golei esker.
Eibarrek bi garaipen lortu ditu liga honetan jokatu dituen bi partidetan. Hurrengo topaketa martxoko lehen asteburuan izango da, Ipuruan. Bertan jokatuko dira armaginek titulua defendatzen duten lehiaketa honetako 4. eta 5. jardunaldiak.
Aupa Eibar!