Eibarrek Madrilera bidaiatu du etxetik kanpoko lehen jardunaldirako

Eibar dagoeneko Madrilen dago, gaur eguerdian abiatu eta gero, Madrid CFF taldearen aurka Fuenlabradan jokatzeko. Talde madrildarrak sufriarazi egin zion Eibarri aurredenborladian (2-1eko porrotarekin), hain zuzen aurreko denboraldian eman diren bi emaitzak. 24-25 denboraldiko bi partidak 2-1eko porrotekin amaitu ziren Eibarrentzat, eta Iñaki Goikoetxearen taldeak asteburu honetan emaitza hori iraultzen saiatuko da.

Lehenengo jardunaldian, madrildarrek emaitza bikaina lortu zuten Realaren aurka, izan ere, 0-2 galtzen ari zirela markagailua iraultzea lortu zuten, eta partida 2-2ko berdinketarekin amaitu zen. Asteburu honetan, beraz, bi taldeek hiru puntuak lortzen saiatuko dira, batez ere Eibarrek, denboraldi zorrotz honetan lehen puntuak lortu nahi baititu edozein modutan.

Horretarako, taldeak Sevillaren aurkako defentsa-lana erreferentzia gisa hartuko du, baina erasoan zenbait alderdi fintzea beharko du lehen jardunaldiko emaitza baino positiboagoa lortu nahi badu, eta horretan aritu da lanean aste osoan zehar.

Iñaki Goikoetxeak prentsaurrekoan azaldu zuen bezala, taldea "prest eta gogotsu" dago etxetik kanpoko lehen partida honetarako: "Irabazteko asmoarekin joan behar dugu, zaila izango dela jakinda, baina jokoa gure alde eramaten saiatu eta ahalik eta arrisku handiena sortzen saiatu hiru puntuak lortzeko".