Eibarrek denboraldiko lehen puntua lortu du Osasunaren aurka (0-0)
Armaginen eta gorritxoen arteko lehia golik gabe amaitu da
Eibarrek Osasunaren aurka berdindu du Ligako bigarren jardunaldian. Armaginek sasoi honetako lehen puntua lortu dute neurketa berdintsu eta lehiatuan. Mendilibarren mutilek beren ohiko jokoa egiten saiatu dira, bain aurrean izan duten arerioa medio, zaila izan dute abagune garbiak sortzea eta hala, arauzko denboraren ostean markagailua ez da mugitu.
Lehia hasiera parekatua izan da oso. Bi taldeek joko zuzena egiten saiatu dira aurkako zelaian jokatzeko asmoarekin. Lehen minutuetan, ordea, etengabeko etenaldiak tarteko, ez batak ez besteak ezin izan dute aukera garbirik sortu. Lehen zatiko abagunerik garbiena etxeko taldeak izan du atsedenalditik gertu. Jon Moncayolaren jaurtiketa bortitzari ondo erantzun dio Dmitrovicek.
Bigarren zatiak, lehenaren gidoi berbera jarraitu du. Eibartarrak Rubenen areara gehiago hurtbildu diren arren, ez dute gorritxoen atea zulatzerik izan. Lehen ordu laurdenean, De Blasisi lehenik eta Pape ondoren, saiatu dira alferrik. Aurretik Ávilak aukera ezinhobea izan du baina Dmitrovicek ederki erantzun dio aurrelariari.
Denborak aurrera egin ahala, bi taldeek gutxi arriskatzeko erabakia hartu dute. Eibartarrak ahalegindu dira baina azkenean puntua ontzat emand dute. Hala, denboraldiko lehen puntua lortu dute armaginek, beren bigarren irteeran.