Eibarrek 5.900 bazkideren muga gainditu du
Liga amaitu zenetik 254 alta egon dira
Eibarrek 5.900 abonatuen muga gainditu du, klubaren historiako kopururik altuena.
Denboraldia amaitu zenetik 254 alta eta 30 baja izan dira guztira. Nabarmentzekoa da alten batez besteko adina 27 urtekoa dela.
Alten erdia baino gehiago infantilak eta gazteak dira, eta oso erritmo onean doa Familia abonua. Kuota horrek beherapenak ezartzen ditu mendebaldeko bihurgunetik gertu dauden eserlekuetan, eta haurrak zein helduak batera esertzen dira.
Abonu berri gehienak eibartarrei dagozkie, baina badira inguruko udalerrietako altak ere: Ermua, Elgoibar, Durango eta Berriz, besteak beste.
SD Eibarren abonuek urtarriletik abendura bitarteko epea hartzen dute, nahiz eta aurtengo denboraldia amaitu ondoren abonatu berriak inskribatu daitezkeen.