Carla Andrés: "Intentsitatea eta garra duen Eibar ikusiko dugu; zaila izango da talde honi irabaztea"

Emakumezkoen lehen taldeak Ligako lehen jardunaldirako prestaketan murgilduta dago. Carla Andrés, aro berri honetako kapitainetako bat, taldearen egoera eta lehen jardunaldiaren aurretik bere kide berriak aztertu ditu: "Jokalari berriak oso ondo egokitu dira eta lehen jardunaldirako gogo handiz gaude".

Eibarrek denboraldia bere zaleen aurrean hasiko du, Ipuruan, Sevilla FCren aurka: "Etxean hastea garrantzitsua da, hiru puntuak ateratzeko aukera ona da. Ipurua asko gustatzen zait, estadio txiki eta atsegina da, jendea etortzen denean nabaritzen dena" eta non "irabaztera joatea bakarrik balioko digun".

Taldearen berrantolaketari dagokionez, kapitainak argi dauka aldaketak izan arren identidadea izaten jarraituko dutela: "Taldekideak gogo handiz datoz, ekarpena egin nahi dute eta entrenamenduetan asko nabaritzen da sartzen ari garen intentsitatea. Egun hauetan asko komentatzen ari dira, Lehen Mailan debuta egin nahi dute, gauzak ondo egin eta batez ere partida ikusgarria izatea nahi dute".

Carla Andrések argi dauka denboraldi honi begira: "Intentsitatez eta grinez betetako Eibar bat ikusiko dugu, eta oso zaila izango da gu irabaztea". Zentralak azpimarratu du joko ideia antzekoa izango dela aurreko urtekoekin alderatuta, "aldaketekin, staff berriak ideia berriak ekarri baititu; agian joko motza gehiago landuko dugu aurreko denboraldietan baino".

Azken egunotan zabaldu den eskutitzari dagokionez, kapitainak argi utzi nahi du jokalariek ez dutela inolako eskutitzik zabaldu, eta azpimarratu du minduta daudela haien izenean hitz egin dutelako; eta gehitu nahi izan du badauzkatela tresnak beren kabuz komunikatzeko."