Carla Andresek 2025eko ekainera arte luzatu du kontratua Eibarrekin

Eibarrek eta Carla Andres jokalariak akordioa lortu dute bi aldeak lotzen dituen kontratua 2025eko ekainera arte luzatzeko.
Eibarreko defentsak  2024ra arteko kontratua zuen eta beste denboraldi batez luzatu du.
Eibarren egin duen lehen denboraldian, taldearen Lehen Mailara igotzen parte hartu du.
Carla Andrés (Aranda de Duero, 2002) Eibar taldera iritsi zen Emakumezkoen Racingeko denboraldi hasieran. Ligako 30 partidetatik 28tan jokatu du, beti titular gisa, eta bi gol sartu ditu. Guztira 2.501 minutu jokatu ditu.
Kontratua luzatu ostean klubeko hedabideei egindako adierazpenetan, Carlak azpimarratu du: “Lehen Mailan jokatzea ametsa da, oso anbiziotsuak gara eta datorren denboraldian hasi nahi dugu”.
“Igoera lortzea ez da erraza eta jokalari guztiok dugun iraunkortasun eta anbizioagatik izan da. Datorren denboraldia oso gogorra izango da, oso zaila, baina talde hau oso mentalizatuta ikusten dut horretarako, oso lehiakorra. Zaleei esaten diet harro egoteko modukoa dela klub honetan parte hartzea. Pozik nago hemen futbolean jokatzen ari naizelako, oso babestuta sentitzen naiz”, adierazi du.