Bihar jarriko dira salgai Alavesen aurkako partidurako 300 sarrera
Sarrerek 25 €-ko prezioa izango dute eta datu pertsonalak eskaini beharko dira segurtasun kontuengatik
Bihar, apirilak 21, jarriko dira salgai Alavesek SD Eibarri bidalitako 300 sarrerak Ipuruako bulegoetan 10:0etatik 13:00etara eta 16:00etatik 20:00etara. Euren prezioa 25 €-koa da eta erosteko momentuan datu pertsonalak (izena + bi abizenak + NAN zenbakia)eskaini beharko dira segurtasun kontuengatik.
Viajes Premier SD Eibarren Bidai-Agentzia Ofizialak, bere aldetik, autobus irteera antolatu du partiduaren egunerako (apirilaren 27a, osteguna). Irteera 17:30etan egingo da Eibartik eta Mendizorrotzara joango da autobusa zuzenean, eta itzulera partidu amaitzean egingo da. Desplazamenduak 12 €-ko prezioa izango du eta, nahiz eta prezioaren barruan ez sartu, sarrera edukitzea ziurtatzen da.
Bidai-agentziatik azaltzen dutenez gutxienez 45 pertsonako taldea osatu beharko da autobus bidaia aurrera eramateko. Irteeran interesa duenak Viajes Premierrek Eibarko San Agustin kalean 2-4 (E lokala) duen egoitzan eman dezake izena 10:00etatik 13:00etara eta 16:00etatik 19:30etara. Apirilaren 21etik, ostirala, hilaren 26ra arte, asteazkena (13:00etan), eman daiteke izena.