Atarikoa | Aukera berri bat Ipuruan

Eibarrek Ipuruan jokatuko du berriro bederatzigarren jardunaldian, selekzioen lehen geldialdiaren ondoren, non hainbat jokalarik lagunarteko eta lehiaketa ezberdinetarako sailkapen partidak jokatzera bidaiatu duten. Emakumezkoen lehen taldeak Deportivo Abanca hartuko du Ipuruan larunbatean, 16:00etan.

Iñaki Goikoetxeak talde osoa izango du jardunaldi honetarako, eta Ipuruan lehen hiru puntuak gehitzeko aukera berria izango du. Geldialdian atseden hartu ez duten lau jokalariak ere egoera onean bueltatu dira eta prest egongo dira jokatzeko. Denboraldiaren hasieratik talde osoarekin izango den lehen jardunaldia izango da hau. hortaz.

Horrela, Mireia Masegur, Adela Rico eta Alena Pěčková ere beren lesioetatik itzuliko dira. Hortaz, Iñaki Goikoetxeak ohiko 21 jokalariak izango ditu prest, lehen taldeko 20ak eta Guereñu, ohi den moduan lehen taldearekin deitua izaten ari dena.

Garaipena lortzea kostatzen ari da etxean, Eibarrek orain arte etxean jokatu dituen partidak kontuan hartuta. Eta hau izango da Ipuruan jokatzen duen bosgarren jardunaldia oraindik golik sartu gabe.

Deportivo Abanca Eibarrera iritsiko da sailkapenari dagokionez antzeko egoera batean: zazpi puntu ditu guztira eta Eibarren gainetik postu bakar bat dago. Baina ez da emaitzei dagokienez unerik onenean iristen, bost jardunaldi baitaramatza irabazi gabe (hiru porrot eta bi berdinketa). Hala ere, horrek ez du Eibarrentzat egoera erosoa suposatzen: etxeko partidak bisitariari baino gehiago kostatzen ari zaizkio, eta oraingoan iritsiko den taldeak ere ez dizkio gauzak erraz jarriko.

Bai Eibarrek bai Deporrek bederatzigarren jardunaldira iritsiko dira beren egoeretan bolada hausteko gogoz, eta horrek sailkapenean inguruan dituzten taldeekiko lasaitasun handiagoz arnastea ekarriko du.

Aurrez aurre:

Eibarren bolada:

Granada CF 3-1 SD Eibar

Levante UD 0-1 SD Eibar

SD Eibar 0-4 FC Barcelona

Costa Adeje Tenerife 0-1 SD Eibar

SD Eibar 0-3 Real Sociedad

 

Deportivo Abancaren bolada: 

Deportivo Abanca 1-1 Atlético de Madrid

Deportivo Abanca 2-2 Dux Logroño

Alhama 3-1 Deportivo Abanca

Deportivo Abanca 1-2 Madrid CFF

Real Madrid 0-4 Deportivo Abanca