Armaginek 0-3 galdu dute Atletico Madrilen aurka eta ez dute punturik atera etxean
Saiatu diren arren, Eibarrek ez du golik lortu
Emakumezkoen lehen taldeak 0-3 galdu du Atletico Madrilen aurka, Unben. Armaginei maldan gora jarri zaie neurketa hasi eta berehala. Atletico Madril partida 3. minutuan aurreratu da, Maitane Lopezek area txikitik egindako golari esker. Horrela, Madrileko taldeak markagailua ireki du partidua hasi berri. .
Neurketako 10. minutuan iritsi da armaginen lehen jokaldi arriskutsua. Aida Estevek porteriara jaurti du korner bat aprobetxatuz, baina Atletico Madrileko atezainak jaurtiketa gelditu du.
Partidako 21. minutuan, Eibar minutu onak jokatzen ari zenean, bisitarien bigarren gola iritsi da. Barbara Latorrek aldea handitu du markagailuan, baloia loratu ostean.
Armaginek aldeak murrizten saiatu diren arren, lehen zatia 0-2 amaitu da markagailuan.
Armaginak oso ondo sartu dira partidara bigarren zatian. Hasiera ona jokatu duten arren, Atletico Madrilek goizeko hirugarren gola sartu du. Deyna Castellanosek markagailuan aldea areagotu du, areaz kanpotik egindako jaurtiketa baten bitartez.
Partidako azken minutuetan, armaginek lehen gola lortzeko aukerak sortu dituzte. Aukerarik argiena Miriam Rodriguezek izan du 88. minutuan, baina faltaz egindako bere jaurtiketak langa jo du. Luzapenean, Maria Llompartek gertu izan du 1-3koa, baina bere jaurtiketa desbideratuta joan da.
Horrela, Eibarrek ez du golik sartu, eta partida zero-hiru amaitu da.