AlgaraKlown elkarteari lagundu asmoz Klubak 7.000 sudur gorri banatuko ditu igandeko partiduan Ipuruan
AlgaraKlown ospitaletako egonaldietan gaixoak laguntzen dituen gobernuz kanpoko erakundea da
Eibar Kirol Elkarteak, bere Fundazioaren bidez, 7.000 sudur gorri banatuko ditu igandean Alavesen aurka Ipuruan jokatuko den partiduan. Egitasmoa AlgaraKlown elkarteari lagundu asmoz sortu da, ospitaletan ingresaturik dauden umeen egonaldiak entreteginarriagoak egiteko.
AlgaraKlown ospitaletan egoten diren pailazoez osatutako elkartea da, eta barrea eta emozioak lantzen dituzte, ingresaturik dauden pertsonei bizi-kalitatea hobetzeko.
SD Eibar Fundazioak 7.000 sudur gorri erosi ditu, eta igandean Eibar – Alaves neurketara etortzen diren zaleen artean banatuko ditu. Era berean, AlgaraKlowneko pailazoak harmailetan zehar mugituko dira, zalean animatu eta egin ohi duten lana azaldu asmoz.