SDE / ALBISTEAK

GOL-FESTAK (XXXIX). 6-1 Jupiterri Kopan joaneko partidako hiru golei buelta emateko

Partida 1971ko azaroaren 7an jokatu zen eta Eibarren kopako lehen garaipena izan zen

Itzuli

06/05/2022 12:32

Eibarrek bere lehen garaipena lortu zuen Kopako txapelketan, Jupiter 6-1 jipoitu eta joanekoan Leongo taldeak lortutako 3-0ekoari buelta emanda.

Talde armaginak aurreko urtean egin zuen debuta lehiaketa honetan, Leongo beste talde baten aurka (Cultural eta Deportiva) berdinketa eta porrotarekin, eta urtebete itxaron behar izan zuen bere lehen garaipena lortzeko.
Itzulerako partidan jokatu zen partida 1971ko azaroaren 7an. Kopako partida izan arren, igandean jokatu zen Ligako atsedenaldia aprobetxatuz.
Luis Ciáurriz entrenatzaileak Castañón, Múgica, Ríos, Lozano, Lustres, Zarate, Cadarso (González), Lacasa, Chinchurreta, Cortaberria (Aranegui) eta Urbieta zelairatu zituen.

Lehenengo gola lehen zatiko 11ra iritsi zen Chinchurretaren jokaldi batean, eta ezker muturrak Flechi Cadarsok gola sartu zuen. Bi minutu geroago Lustresek 2-0ekoa sartu zuen eta kanporaketa gaindi zitekeela zirudien, baina partida luzea izan zen. Atsedenaldiaren ostean jokoa berriro hasi eta gutxira, Leongo taldeak gola sartu zuen Rios erdiko atzelariaren eta Javi Castañon atezainaren artean. Handik zortzi minutura, Chinchurretak buruz sartu zuen gola, falta jaurtiketa baten ondoren, eta bi minutu geroago, leondarrak zutoina aldaratzen zuen baloi batean gola sartzeko zorian egon ziren. Gero, Cortaberriak eta Lacasak (2) emaitza borobildu zuten.
Ondoren lehen mailako epaile ospetsua izan zen Benito Alonso Condón Urizek zuzendu zuen partida. Hurrengo kanporaketan Eibarrek Mirandes gainditu zuen eta hirugarren kanporaketan Langreoren aurka galdu zuen.

Erreportaje honetan agertzen diren datuak Eibarko historialari Jesús Gutiérrez SD Eibar Fundazioaren Patronatuko kideak eman ditu.


Argazki-oinak:

- Ezkerrean Chinchurreta eta berarekin Cortaberria Leonen.
- Eibarko hiru zuzendari Leongo joaneko partidaren aurretik. Barahona erdian eta eskuinean Mardaras.
- Luis Ciáurriz Eibarreko entrenatzailea Leonen.

 

14 ABU

Municipal de Ipurua

Partidua

Jardunaldia1 SD Eibar - CD Tenerife

21 ABU

Ciudad Deportiva Villarreal

Partidua

Jardunaldia2 Villarreal CF B - SD Eibar

28 ABU

Municipal de Ipurua

Partidua

Jardunaldia3 SD Eibar - SD Ponferradina

04 IR

Estadio Municipal Butarque

Partidua

Jardunaldia4 CD Leganés - SD Eibar

11 IR

Municipal de Ipurua

Partidua

Jardunaldia5 SD Eibar - Granada CF

18 IR

Estadi Nacional d'Andorra

Partidua

Jardunaldia6 FC Andorra - SD Eibar