SDE / ALBISTEAK

GOL-FESTAK (XLVIII). “Bombero” Echave hirukoa Mutrikuren aurka

Eibarrek 6-0 irabazi du kostaldeko taldearen aurka

Itzuli

27/09/2022 11:12

1980ko abenduaren 21ean Ipuruan jokatutako partidan Eibarrek Mutrikuren aurka 6-0 jipoitu zuen, eta “Bombero” Echaveren hirukoa izan zen aipagarriena.
Hirugarren Mailako III. multzoko 16. jardunaldia zen, eta 1980ko San Tomas egunean jokatu zen. Hilabete eta erdi lehenago, Eibarrek 8-2 irabazi zion Getxori Ipuruan.
Eibarren hamaikakoa: Garmendia, Mendizabal, Navas, Alduncin, Biain, Guruceta, Echave, Campos, Mendívil (Olaizola), Castaños (Esnaola), Balbás.

Golak: 1-0ekoa 10. minutuan iritsi zen, Echavek pase sakona jaso, area barruan sartu eta jaurtiketa gurutzatuz Virgilio atezaina (Eibarko jokalari ohia) gainditu zuen. 2-0ekoa, 19 minutura, Ramon Campos erdilari eibartarraren barneraldi batean eta mele baten ondoren Echavek bere bigarren gola sartu zuen. Emaitza horrekin iritsi zen atsedenaldira. 3-0ekoa 55 minutura iritsi zen Echaveren barnekaldi batean. Bultzada bat jaso zuen, eta epaileak penaltia adierazi zuen, Echavek jaurti eta eraldatu zuena, bere hirukoa lortuz. 64 minutuan, Echaveren erdiraketa itxia eta Olaizolak hurbiletik markatzen du. Lau minutu geroago, Alduncinek 5-0ekoa lortu zuen, eta 85 minutuan kontua itxi zen, Balbasek zuzenean egindako falta batean.
Mutrikuarrak Eibarren erasoei aurre egiten saiatu ziren jokoz kanpoko taktikarekin, baina pase sakonek estrategia zapuztu zuten, eta Javier Alcantarak entrenatutakoak sei golera iritsi ziren.
Denboraldi hartan, Eibar izan zen taldeko golegile nagusia, 38 partidatan 66 gol sartuta, eta gol gutxien jaso zituen bigarrena, 32rekin, soilik Erandio txapeldunaren atzetik.
“Bombero” Echavek 35 gol sartu zituen eta Eibarreko jokalari baten markarik onena berdindu zuen maila nazionalean denboraldi batean, Jose Mari Arakistain elgoibartarrak 69-70 denboralditik ordura arte zuen errekorra.
Mutriku jipoitu ondoren, Multzoko bi golegile nagusiak eibartarrak ziren: Echave 18 golekin eta Balbás 10 golekin, taldeko eskuin eta ezker muturrak. Taldeko erdiko aurrelaria Mendívil zen, gaur egun Realeko kontseilaria dena.
Jardunaldia bukatzean Arenas zen liderra eta puntu bakarrera zeuden Eibar eta Ondarroako Aurrera. Liga amaieran, Eibar hirugarren izan zen 49 punturekin Arenasekin berdinduta, eta txapelduna Erandio izan zen 55 punturekin. Mutriku azken-aurrekoa izan zen, Elorrioren aurretik bakarrik, eta bi taldeak Regionalera jaitsi ziren.
Erreportaje honetan agertzen diren datuak SD Eibar Fundazioaren patronatuko kide Jesus Gutierrez historialari eibartarrak eman ditu.


Argazki-oinak:

  • Mateo Guilabert kazetaria hirurogeita hamarreko hamarkadan Ipuruan emandako emanaldi batean.
  •  Virgilio Alcalide Iglesias, Mutrikuko atezaina 1980an eta Eibarren aritu zena 1975 eta 1977 bitartean.


SDE / HURRENGO PARTIDA

18:30 11-12-2022
Sarrerak erosi

11 ABE

18:30 Municipal de Ipurua

Partidua

Jardunaldia20 SD Eibar - Real Oviedo

18 ABE

19:00 Estadio Ciutat de València

Partidua

Jardunaldia21 Levante UD - SD Eibar

21 ABE

19:00 Estadio Can Misses – Power Electronics

Partidua

Jardunaldia2 CD Ibiza- Islas Pitiusas - SD Eibar

08 URT

21:00 Municipal de Ipurua

Partidua

Jardunaldia22 SD Eibar - UD Ibiza

14 URT

Municipal de Ipurua

Partidua

Jardunaldia23 SD Eibar - Málaga CF

22 URT

El Toralín

Partidua

Jardunaldia24 SD Ponferradina - SD Eibar