SDE / ALBISTEAK

SD Eibar Fundazioak Eibarko Coliseoan hilaren 26an estreinatuko den Telmo Esnalen “Dantza” filmarekin kolaboratu du

Itzuli

23/12/2018 08:50

Dantza, Telmo Esnalen azken filma, hilaren 26an estreinatuko da Eibarren, Coliseoan, eta SD Eibar Fundazioak laguntza ekonomiko batekin lagundu du. Bizitzaren zikloari buruzko istorio bat kontatzen du Datzak, bizirik irauteko borrokarena. Horretan, denboraren iragatea naturaren ibilbideak markatuko du. Dantza da hori kontatzeko hautatutako hizkuntza, eta musikak eguneroko zereginei lagunduko die.

Filmak kritikaren oneritzia jaso du, eta hilaren 26an ikusi ahalko da Coliseon, 20:00tatik aurrera, pase berezian. Izan ere, filmeko zuzendaria Telmo Esnal bera bertan izango da, Juan Antonio Urbeltz koreografoarekin batera, eta Eibarko hogei bat dantzari ingururekin.